nalimmassaaneq
Tele-Postip inuussutissarsiornermut immikkoortoqarfia sipaarniuteqarsinnaasoq
Aasap ingerlanerani Tele-Postip inuussutissarsiornermut immikkoortoqarfiani nalimmassaasoqassaaq
Tele-Post marlunngormat nalunaarpoq ingerlatsiviup inuussutissarsiornermut immikkoortoqarfiani qnaittukkut nalimmassaasoqassasoq.
Aasap ingerlanerani nalimmassaaneq piareersarneqassaaq, tamatumalu manna tikillugu kingunerigallarpaa immikkoortoqarfiup pisortaata tunuartinneqarnera.
Unammillernerulerneq
Tele-Postip pisortaanera Kristian Reinert Davidsen ullumi nalunaarpoq inuussutissarsiornermut tuniniaavimmi unammillertoqalersimasoq, taamaattumillu immikkoortoqarfiup allanngortinnissaa pisariaqartoq.
– Inuussutissarsiornermut sammisortaa nunap annerpaartaani ineriartortorujussuuvoq, tamannalu peqatigalugu unammillertoqarpoq, Kristian Reinert Davidsen allappoq.
– Taamaattumik pisariaqarpoq inuussutissarsiornermut immikkoortoqarfiup isinik nutaanik isiginialernissaa. Siunertaavoq tuniniaavimmi inissisimanerup attatiinnarnissaa atuisartunillu atorumasatut salliunneqarnissaq.
Ukioq 11-t soraarsipput
Inuussutissarsiornermut pisortap soraarnerata kingorna taassuma suliai Reiner Davidsenip nammineq tigugallassavai.
Tele-Postimit tusagassiorfinnut nalunaarummi allassimanngilaq nalimmassaaneq pissutigalugu soraarsitsiortortoqassanersoq, imaluunniit arlaatigut ingerlatsinermi allannguisoqassanersoq. Pisortalli Kristian Reinert Davidsenip immikkoortoqarfiup siunissaa maanna pilersaarusiussavaa.
Tele-Post kingullermik ukioq soraarsitsiortorpoq.