Skip to main content

Tele-Postip email-system atorunnaarsilerpaa

Tele-Post piuminarsaaniarpoq, tamatumalu emailimut kiffartuussut greennet.gl-ip atorunnaarsinneqarnissaanik kinguneqarpoq.

- Greennet.gl-ip pilersinneqarneranut siunertarineqaqqaartoq tassaasimavoq allakkat elektroniskiusut (mailsit) Kalaallit Nunaanni atorneqarnerulersinnissaat, tamannalu anguneqarsimasoq oqaatigineqarsinnaalluarpoq. Pisariaqartitsineq qangali qaangiussimavoq, taamaattumillu tunisassiaq taanna suli pisariaqartinneqarnersoq apeqquserparput. Periusissiatsinnut atatillugu piuminarsaallutalu suliffeqarfiup iluani sulineq aallukkusupparput. Tamanna tunngavigalugu kiffartuussissut taanna atorunnaarsissallugu toqqarparput, isumalluutillu tunisassianut kiffartuussissutinullu allanut atorlugit. Suliap ingerlanneqarnerani sullitatta toqqissisimanartumik siunnersorneqarnissaat sapinngisarput tamakkerlugu anguniassavarput, tuniniaanermut pisortaq Brian Smedemark, tusagassiuutinut nalunaarummi oqarpoq.

Systemi pisoqalisoq
Ukiuni arlaqalersuni e-mailinut systemi greennet.gl inunnut ataasiakkaanut aamma suliffeqarfinnut neqeroorutigisimavaa, systemili pisoqalisimasoq Tele-Post ilisimatitsivoq.

E-mailimik atuisut paasissutissiissummik ilitsersuutitalimmik nassinneqarput, tassani atorunnaarsitsinerup saniatigut qanoq iliornissaannik ilitsersuuteqarpoq. Assersuutigalugu greennet.gl-imik isumaqatigiissutip taamaatinneqarneranit 2019-imi januaarip 20-ata tungaanut ingerlateqqinneqartarnissaannik periarfissaqassaaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER