tillinniarneq
Tele-Postimi tillinniarsimasumik tigusarinnittoqartoq
Tele-Post Centerimi Nuummi tillinniarsimasoq tigusarineqarluni unnerluutigineqarsimasoq, politiit uppernarsarpaat. Tillinniaqatigisimasinnaasaanilli suli ujaasipput.
Pingasunngormat Tele-Post Nuummi piffissami sivikitsuinnaap ingerlanerani aappassaanik tillinniarfigitippoq. Tillinniarsimasuusinnaasulli politiinit tigusarineqarnissaa ullut arlaqanngitsut qaangiummata pivoq.
Atuaruk: Tele-Postip ammanerata nalaani tillinniariartoqaraluartoq
Politiit tallimanngormat ulloqeqqata-tungaani suliami pasineqartoq tingusarilluguli unnerluutigingaat, pigaartuunerup Sermitsiaq.AG-mut oqaluttuaraa.
- Nakkutiginninnermut atortut atorlugit pasisaq nassaarineqartoq, tamatumalu kingona unnerluutigineqartoq paarnaarussinnaasimallutigit, pigaartuunerup oqaatigaa.
Allamik pinerluttoqarsimasinnaasoq
Pingasunngornermi Tele-Postimiut tillinniariaraluarnermut peqataasutut pasisamik allamik suli ujaasisoqartoq, taanna oqaluttuarpoq.
Atuaruk: Tele-Postimut tillinniartoqarnerani suliami marluk tigusarineqartut
- Pinerloqataasimasinnaasumik allamik peqarunarpoq, ilisarisinnaasimanngilarpulli, pigaartuuneq oqarpoq.
Pasineqartoq politiinit killisiorneqarsimasoq, taanna oqaluttuarpoq, oqaatigisinnaanngilaali pasineqartoq unnerluutigineqartunut nassuersimanersoq pisuunnginnerartorluunniit.