Tele-Post
Tele-Postimi pisortap utoqqatsissut tiguaa
- Uannut tunngatillugu suliaq naammassineqarpoq, Kristian Reinert Davidsen oqarpoq
Tele-Postip pisortaanerata, Kristian Reinert Davidsenip, partiip siulittaasuanit Hans Enoksenimit Partii Naleqqameersumit utoqqatserfigineqarsimalluni, Sermitsiaq.AG-imut uppernarsarpaa.
Atuaruk: Enoksen Telemi pisortamut utoqqatserpoq
Tusaamaneqarnera tatiginartuunngitsoq?
Inatsisartunut ilaasortap maanna partiimit anisitaareersup, Per Rosing-Petersenip, paragraf 37 naapertorlugu Naalakkersuisunut apeqquteqarnermini, Savalimmiuni ingerlatseqatigiiffimmi amigartoortitsisimasut pisortaq pasillermagu utoqqatsertoqarpoq.
Tamatumat kingorna Kristian Reinert Davidsenip piumasaraa, Per Rosing-Petersenip pasilliissutini uppernarsassagai. Tamannali pinngilaq, taamaattoqarneralu Inatsisartunut ilaasortap Partii Naleqqamit suleqatigiinneq akoanisitaaneranik kinguneqarpoq.
Atuaruk: Telemi pisortaq amigartoortitsinermut pasilliutigineqarnini taamaateqquaa
Ilaasortaajunnaarsitsinerup kingunninngua utoqqatserneq pivoq.
Naammassisoq
- Hans Enoksenip utoqqatsissutaa ippassaq (pingasunngornermi, aaqq.) tiguara. Partii pasilliissummut akuersaanngimmat qujagaara. Uannut tunngatillugu suliaq naammassivoq, aammalu allamik oqaasissaqanngilanga, Kristian Reinert Davidsen ilisimatitsivoq.
Atuaruk: Isorineqaraluarluni: Telemi pisortaq Savalimmiuni angusarissaartitsisoq