pisortat marluk tunuartut
Tele-Postimi pisortaanerugallartoq aamma pisortaanerugallartup tullia atorfimminnit tunuarput
Pisortaanerugallartoq Steen Motgomery-Andersen, pisortaanerugallartullu tullersortaa Per Svendsen atorfimminiiginnarnissaminnut akuersinngillat.
(Oqaaseqartitsinermik ilallugu allaaserineqartoq nutarterneqarpoq)
Pisortaanerugallartoq Steen Motgomery-Andersen, pisortaanerugallartullu tullersortaa Per Svendsen atorfimminiiginnarnissaminnut akuersinngillat.
Radioavisimi tamanna oqaatigineqarpoq.
Tele-Postimi namminersortunngorsaasoqarnissaanut aaqqiagiinngittoqarsimaneranut atatillugu atorfimminnit ingerlaqqikkusussimannginnerat pissuteqarsimagunartoq KNR-imit allaaserineqarpoq.
Siulersuisunik suleqateqarneq ilaatigut naammagineqanngilaq:
- Suliffeqarfiup pitsaanerulernissaa anguniarlugu annertuumik suliniuteqartareerpugut. Kisianni siulersuisuni ilaasortaasut suliffeqarfillu ataatsimut sulinera naammaginngilarput, soorlu ukiumut 2015-mut aningaasanut missingersuut suli akuerineqanngilaq.
Suleqatigiinniarneq
Tele-Postimi attaveqaqatigiinnermut pisortaa Ivalo Egede allappoq taama aalajangernermut pissutaasoq tassaasoq tamanut naammaginartumik siulersuisut suleqatigineqarsinnaanngimmata. Michael Binzer 2014-mi pisortaanertut suliffeqarfimmit tunuarpoq. Tassani ingerlatsinikkut aqutsisut allapput siulersuisuni siulittaasoq Agner N. Mark tatigineqanngitsoq, allagarlu Sermitsiami saqqummiunneqarpoq.
Steen Motgomery-Andersen aamma Per Svendsen atorfitoqqaminnut utissapput, tassa aningaasaqarnermut namminersortunullu pisortatut.