telemi attaveerunneq
Tele-Postimi atuisut atortunik ajutoornermut eqqugaapput
Tallimanngornermi ullaakkut Tele-Post atortutigut ajutoornermik eqqugaavoq, tassani suliffeqarfiit arlallit internetimut aamma oqarasuaatinut attavii sunnerneqarput.
- Ajoqut pilermalli teknikerit ilungersorlutik sulipput ajoqutaasup suunerata piaartumik paasinissaaq aaqqinnissaalu pillugit. Suup ajoqutaanera paasineqarpoq, ilungersorpugullu kiffartuussinerit tamarmik pissusissamissut ingerlaqqilersinniarlugit. Tamanna sullitatsinnut akornusersuutaasimasinnaanera ajuusaarutigaarput, Teknikkimut IT-mullu pisortaq Jonas Hasselriis oqarpoq.
Ajoqutaasup telepost.gl, tusass.gl, aammalu suliffeqarfiit ataasiakkaat internetimut aamalu telefonimut attavii sunnerpai.
Nuutsitsisarfiit assigiinngitsut tamakkiisumik ilaannakortumilluunniit eqqorneqartut aaqqikkiartuaarput. Kiffartuussinerit amerlanerit aaqqinneqareerput, piffissallu sivikitsup iluani suut tamarmik iluarsineqarnissaat sulissutigineqarpoq, suliffeqarfiup tusagassiuutinut nalunaarutaani tamanna atuarneqarsinnaavoq.