mianersoqqusineq

Tele-Post meeqqanik atortuni pinnguartunik mianersoqqusivoq

Tele-Post aasaanerani sulinngiffeqarnerup nalaani, meeqqat inuusuttuaqqallu Tele-Postip atortut najugaqarfinnut qanittumut inississimasaani atortuni meeqqat pinnguarnerannik nalaataqarput. Tamanna ulorianarpoq akisusinnaallunilu

Tele-Post sendeudstyr
ip sakkortusaavii Tele-Post

Aasaanerani atuanngiffeqarneq pinngortitami pinnguarfiusarpoq. Ajoraluartumilli tamanna TelePostip najugaqarfinnut qanittumut inississimasaani atortuni meeqqat pinnguarnerannik kinguneqartarpoq.

Tele-Postilu tusagassiuutinut nalunaarummi sakkortusaavinni pinnguarneq mianersoqqussutigaat, annertuumik kinguneqarsinnaanera pillugu.

- Sakkortusaaveqarfitsinni atortuttalu sinnerini meeqqat pinnguartarnerat qupinnguallaffiusinnaallunilu nakkarnermik kinguneqarsinnaavoq. Meeqqat ajoquserujussuarsinnaapput, Teknikkimut aamma IT-mut pisortaagallartoq Emil Kleemann nassuiaavoq.

Amerlasuunut kinguneqarsinnaasoq
Sakkortusaaveqarfimmi atortut ilaannik aserortoqaraluarpat, tamanna innuttaasunut amerlaqisunut kinguneqarnerluttussaavoq.

- Innuttaasut telefoneqartillugillu internetseqartinnissaat pisussaaffigaarput, sakkortusaaveqarfimmili annertuumik ajoqusiisoqarpat innuttaasut amerlasoorpassuit avammut attaveqarsinnaajunnaarsinneqassapput, Emil Kleemann nassuiaavoq.

Tusagassiuutinut nalunaarummi ilanngunneqarpoq atortunik ajoqusiinerit ajornartorsiulernermi isumannaallisaanermillu piareersimanermut ajoqusersuutaasinnaasut, taamaattoqarpammi politiit, qatserisartut peqqinnissaqarfillu innuttaasunik ajornartorsiulersunik ikiuisinnaajunnaassapput.

Angajoqqaanut akisusinnaavoq
Sakkortusaaveqarfinni ajoqusiinerit aningaasanik isertitassanik annaasaqarfiusussaapput aammalu inuttanut, aaqqissuinernut timmisitsinernullu annertuumik aningaasartuuteqarfiussallutik.

Hundrede tusintilikkaanik akeqarsinnaapput, ajorluinnarpallu millionilikkaanik akeqarsinnaallutik. Aningaasartuutit uagut akileqqaassavagut, akiligassarli akisoqisoq tamanna angajoqqaanut tussinnaavoq, Emil Kleemann nassuiaavoq.

Taassumalu pinnguarneq ulorianartulik tamanna pillugu angajoqqaat meeqqaminnik oqaloqatiginninnissaat inassutigalugu.

Powered by Labrador CMS