unammilleqatigiinneq
Tele-Post killeqanngitsumik unammilleqatigiinnissamik akornusiisimasoq
Namminersorlutik Oqartussat oqarasuaateqarnermi suliffeqarfiutaata nuimasumik inissisimaffeqarnini atornerluppaa Inu:IT inuussutissarsiutinik ingerlatallit kiffartuunneqarnissaannut naligisatut unammilleqataanissamut akornuseramiuk, Unammilleqatigiinnermut Aqutsisoqarfimmit aalajangiussami oqaatigineqarpoq
Tele-Post Unammilleqatigiinnermut Aqutsisoqarfimmit ajorsartinneqarnermik annernartumik misigisaqarpoq, nalunaarasuartaateqarnermi suliffeqarfiup inuussutissarsiutinik ingerlatallit pillugit unammilleqatigiinnermi nuimasumik inissisimaffeqarnerminik atornerluisimanera inerniliissutigi neqarmat.
IT-mik nalunaarasuartaateqarnermillu suliffeqarfik Inu:IT, Tele-Post IP-telefonimi sianernerit internettikkut ingerlanneqarfigisartagaanni unammillertiminik ukiuni arfinilinni tunulliussereersorlu, unammilleqatigiinnermi oqartus sanut naammagittaalliuuteqarsimavoq.
Ajornerusumik inissiineq
Namminersorlutik Oqartussat oqarasuaateqarnermi suliffeqarfiat inuussutissarsiutinik ingerlatsisunut oqarasuaateqarnikkut nioqqutimini Iserfimmi teknologiimik nutaanerpaamik nammineq atuisoq Inu:IT teknologiimik 1980-ikkunneersumik, sullitat aaqqiissutissanik naleqqussakkanik neqeroorfigineqarfigisinnaanngisaannik, atuisariaqarsimavoq.
Teknologii taanna tamatuma peqatigisaanik atussallugu aserfallat saalissallugu pisariunerusimavoq, atortunillu pisoqalereersimasunik pisiortorneq eqqarsaatigalugu akisunerulluni, oqarasuaatikkullu oqaluussinissamut periarfissat amerlassusaat pineqartillugit Tele-Postimit pisisarnissaq pisariaqarsimalluni.
Taamaalilluni unammilleqatigiinnermi unammillerti ajornerusumik inissisimalersinneqarpoq, Unammilleqatigiinnermut Aqutsisoqarfik maluginiakkat tunngavigalugit oqaaseqarpoq.
Allaaserineqartoq aviisimi AG-mi sapaatip akunnerani matumani saqqumersumi atuarneqarsinnaavoq. Aviisi uani pisiariuk: