frimærke
Tele-Post frimærkimik nutaamik kunngikkormiunik saqqummersitsivoq
Kunngissap nuliatalu ukiut 13-issaat avillugu katiffissiornerannut atatillugu Tele-Post frimærkimik saqqummersitsivoq, tassani kunngissakkut aamma meeraat kalaallisoortut assitarineqarput
Kunngissakkut ukiut 13-issaat avillugu katiffissiornerat, ukioq manna novembarip 14-anni nalliuttorsiutigineqartussaq, malunnartinniarlugu ullumi ataasinngornermi Tele-Post frimærkimi saqqummersitsivoq.
Kunngissakkut kusanaqisunik kalaallisoorlutik assingat assiliisartup Steen Brogaardip, ukiuni arlalissuarni tusaamasanik kunngikkormiunillu assiliisuusimasup assilisaraa.
Soqutigineqarluartut
- Kalaallit Nunaanni sumiluunniit kunngikkormiut nuannarineqartaqaat soqutigineqartaqalutillu. Ukiuni kingullerni kunngissakkut aammalu meeraat soqutigineqaleriartorsimapput. Kunngissakkut meeraasalu Kalaallit Nunaannik inuiannillu kalaallinik kialaartumik misigissuseqarfiginninnerat takuneqarsinnaavoq. Tamanna kingullermik uppernarsarneqarpoq Kunngissakkut 2014-imi aasakkut Kalaallit Nunaanni angalaneranni, Tele-Post allappoq.
- Frimærkikkut, helarkitut miniarkitullu suliakkut, Tele-Postip Kunngissakkut novembarip 14-iani 2016 ukiut 13-issaat avillugu katiffissiornerannik meeraallu uummammik pisumik pilluaqquai. Kunngissakkut tullianik Kalaallit Nunaannut angalanissaat nuannersumillu takoqqinnissaat qilanaaraarput, Tele-Post allappoq.