Teknikkikkut ajutoorneq pissutaalluni atuarfiup ikuallattoornermut kalerrisaarutaa aallartippoq

Sisamanngornermi ualingaa politiit qatserisartulli arlallit Nuussuup atuarfiata eqqaaniipput. Atuarfimmilu ikuallattoqarsimanngitsoq, politiit paasissutissiipput.

Atuarfiup ikuallattoornermi kalerrisaarutaa aallartissimasoq, politiit Sermitsiaq.AG-mut paasissutissiivoq.

- Taamaattoq atuarfimmi ikuallattoqanngilaq. Teknikkikkut ajutoornerup ikuallattoornermi kalerrisaarutip aallartissimasinnaangaa, politiassistenti Brian Thomsen oqarpoq.