Tassaarsuarmit eqqugaasut inissiat agguaanneqarnerat nuannaarutigaat
Nuugaatsiami aamma Illorsuarni ilaqutariinnut inissiat taartissat makitsisoqarneratigut agguaanneqarput
Ilaqutariit 24-t Nuugaatsiamit aamma Illorsuarneersut maanna Uummannami sumi najugaqarnissartik paasivaat. Tassami sapaatip-akunnerata siuliani inissiat taartissat sorliit kikkunnit pissarsiarineqassanersut makitsissutigineqarpoq.
Maannarpiaq makitsisoqarpoq, innuttaasut siunissami inissatik pillugit paasissutissanik tusagaqarniassammata, ineqarnermut attaveqaqatigiinnermut naalakkersuisoqarfiup aalajangiuppaa.
- Innuttaasut inissiat sorliit pigilissanerlugit paasigamikkit nuannaaqaat, naalakkersuisoqarfik taama nalunaarpoq.
Eqqartuussissuserisoq Gedion Jeremiassen makitsinerpiamik isumaginnittuuvoq.
Tassaarsuaqarnerani inoqutigiit Nuugaatsiami imaluunniit Illorsuarni nalunaarsorneqarsimasut illumik taartissamik tunineqarput. Tamannali nammineerluni inissiamik pissarsisinnaasimanngitsunut atuuppoq. Ilaqutariit sinnerit illumut nutaamut 50.000 koruuninik tapiiffigineqarput.