Skip to main content

Tassaarsuarmit eqqugaasunut inissiat nutaat

Qimagussortinneqarsimasut Nuugaatsiamut Illorsuarnullu uterlutik nutsernissaat maannamuugallartoq pinavianngilaq. Kommuni ataqatigiissaarisumik tassaarsuarmit eqqugaasimasunut ikiuuttussamik atorfinitsitsivoq.

Avannaata Kommunia aamma Namminersorlutik Oqartussat Nuugaatsiami Illorsuarnilu innuttaasut 270-it missaanniittut utaqqiisaasumik inigisaminni najugaqaannarallartariaqarnerat aallaavigalugu sulipput. Siorna tassaarsuarmit, inuit sisamat inuunerannik akeqartumit, eqqugaasut arlallit suli tarnip pissusaanik immikkut ilisimasalimmit ikiorneqartarput. Amerlanerpaat aalisaqqilersimapput suleqqilersimallutillu.

Aviisi AG taama allaaserisaqarpoq.

Inissianik nutaanik sanaartortut

Maanna Uummannami nunaqarfinnilu eqqaaniittuni, Nuugaatsiami Illorsuarnilu innuttaasut qimarngunneqarfigisaanni siornalu ajunaarnersuaqarneraniilli najugaqarfigisaanni, inissianik nutaanik sanaartortoqarpoq.

- Suli inoqarpoq siorna misigisamit sakkortoorsuarmit suli anniaateqartunik. Angalasartoqatigeeqarpoq akuttunngitsumik Uuummannaliartartunik tassaarsuarmillu eqqugaasimasunik oqaloqatigiinnittartunik, Avannaaa Kommuniata borgmesteria, Palle Jerimiassen oqarpoq.

Malunnartitsineq

Taanna Naalakkersuisut siulittaasuat Kim Kielsen aamma ineqarnermut attaveqaqatigiinnermullu naalakkersuisoq, Simon Simonsen, peqatigalugit Uummannaliassaaq tassaarsuaqarneranit ukiup ataasinngornerata malunnartinniarneqarnissaanut peqataajartorluni. Nunaqarfinni qanittumiittuni aamma pissutsit pillugit innuttaasunik ataatsimiititsisoqassaaq.

Tamanna pillugu AG-mi paasisaqarnerugit:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER