ingen trafik
Tasiilaq avammut atassutaaruppoq
Teknikkikkut ajornartorsiuteqarneq pissutigalugu Air Greenlandip helikopteria Bell 212 Tasiilamit aallarsinnaanngilaq
Sikorsuaqarneq Air Greenlandillu helikopteriata Bell 212-p teknikkikkut ajornartorsiuteqarnera pissutigalugu Tasiilamut Tasiilamiillu angalanerit tamarmik uninngapput. Kulusuup Tasiilallu akornanni angallammik angalasoqarsinnaanngilaq sikorsuaqarnera pissutigalugu.
Ulluni makkunani Tasiilamut Tasiilamiillu angalaniaraanni naammagittartariaqarpoq. Air Greenlandip helikopteria timmisinnaanngilaq kingoraartissaanik tikittoqartinnagu, aammalu Tasiilap Kulusuullu akornanni angallammik angalanerit tamarmik unitsinneqarsimapput sikorsuaqarnera pissutigalugu.
Air Greenlandip helikopteria Bell 212 qaammatip ataatsip iluani aappassaa tenikkikkut ajornartorsiuteqarluni ulluni arlalinni uninngavoq.
Air Greenlandip Sermitsiaq.AG-mut paasissutissiissutigaa naatsorsuutigalugu Bell 212 tallimanngormat timmeqqilersinnaassasoq.