Tasiilaq
Tasiilamiittoq paaqqinnittarfik qamutinik tunissuteqarfigineqarpoq
Tunumi paaqqinnittarfik nutaaq Pingaeqqad februaarip qaammataani atoqqaarfissiortinneqarmat qamutinik tuttullu amiinik tunissutisivoq
Tasiilami paaqqinnittarfittaaq Pingaeqqad qaammat kingulleq atoqqaarfissiorneqarpoq.
Atoqqaarfissiortinneqarneranilu qamutinik tuttullu amiinik tunissutisipput.
Tasiilami pikkorissaqqinnernut qitiusumik ingerlatsivimmi Majoriariami atuartut qamutit sanaavi tallimat tunissutigineqartut Kommuneqarfik Sermersuup tusagassiuutinut nalunaarummi allaaseraat.
Immikkuullaripput
Qamutit atuartunit sananeqartut tunumiut qamusioriaasiat immikkuullarissoq malillugu sanaajupput.
Majoriami atuartut ukiuni kingullerni pingasuni assigiinngitsunik suliassaqartinneqarsimapput, ukioq siulleq kiinarpannik tupilannillu sanalutsinneqariarlutik siorna qilaasiortinneqarput – tassalu ukioq manna qamusiortinneqarlutik.
Majoriaq qamutinik tallimanik tunissuteqartoq Kommuneqarfik Sermersooq tuttut amiinik tallimanik tunissuteqarpoq, taakku ammit qamutit ingorassaattut tunissutaallutik.
Majoriami atuartut qamusiortinneqarneri Kommuneqarfik Sermersuumit Namminersorlutik Oqartussanillu aningaasaliiffigineqarpoq