ujajaaneq
Tasiilami ujajaanermut takunnissimasinnaasunik politiit ujaasipput
Tasiilami angutit inuusuttut pingasut angummut 57-nik ukiulimmut ujajaasimanissaat pasitsaassutigineqarpoq arfininngornerup ullaani
Angut 57-inik ukiulik Tasiilai imerniartarfimmiit Klubbemiit angerlartilluni nuanninngitsumik misigitinneqarpoq arfininngornerup ullaani.
Nalunaaquttap 02.00-p 03.00-illu akornanni Naasuliartarpimmut eqqaani Prinsessip Benediktip Aqqulaata tungaanut pulaffissami ujajaaffigineqarpoq, Tasiilap politiivinit Hans Poul Andersen nalunaarpoq.
Taamaammat Tasiilami Politiit ujajaanermut takunnissimasinnaasunik ujaasipput. Angut 57-nik ukiulik oqaluttuarpoq angutinit pingasunit qungatsimigut savimmik kilerneqarluni kiisalu aningaasaataanik ujajaaffigineqarsimalluni.
Angutit pingasut
Angutit inuusuttut pingasut, 170 cm-it missaanni angissusillit taartunik atisallit angutip 57-nik ukiullip politiinut nassuiaatigaa.
Pisumut takunnissimasinnaasut Tasiilami Politiit ujaaraat, pisumullu paasissutissaatillit, Tasiilami Politiinut telefoni 70 12 24-mut aammalu politeeqarfiup ammanerata avataatigut 70 14 48-mut attavigalugit saaffiginneqarsinnaapput.