Tuberkulose
Tasiilami tuberkulosimik misissuineq
Ullumi arfininngornermi angalaqatigiit peqqissitsumik ilisimasallit WHO-mit siulersorneqartut, Tasiilamut aallarput nunatsinni tuberkuloseqalernissamut pinaveersaartitsineq pitsanngorsarneqarsinnaanersoq tuberkoluseqartoqarneralu misissorniarlugit aammalu tuberkulose akiorniarlugu
Angalaqatigiit Peqqissutsimut Naalakkersuisoqarfimmeersut, Nakorsaaneqarfimmeersut peqqinnissaqarfimmeersullu, Statens Serums Institutimeersut, Dansk Lungeforeningimeersut Nunarsuarmilu peqqissutsimut suliniuteqarfimmit WHO-meersut ullumi arfininngornermi Tasiilamut aallarput.
Tamakkua peqatigiilllutik nunatsinni tuberkuloseqalernissamut pinaveersaartitsineq pitsanngorsarneqarsinnaanersoq tuberkuloseqartoqarneralu misissorniarlugit aammalu bulerkulose akiorniarlugu.
Erloqinaqisoq
fPeqqissutsimut Naalakkersuisoq Doris Jakobsen (S) isumaqarpoq Kalaallit Nunaanni tuberkulosip atugaanera erloqinartorujussuusoq.
– Tuberkulose nunatsinni suli atugaasorujussuuvoq, ajoraluartumillu ukiuni kingullerni qulini imatorsuaq allanngorsimanngilaq. Tuberkulosimut periuserput maanna atuuttoq ukioq manna naassaaq, taamaattumillu pingaaruteqarpoq periusissamut tullermut immikkut ilisimasallit inassuteqarnissaat, periusissarlu ukiap ingerlanerani suliarineqassaaq, taanna Kommuneqarfik Sermersuumit tusagassisorfinnut nalunaarutikkut oqarpoq.
Immikkut ilisimasallit pingaaruteqarput
– Tuberkulosimut periuserput maanna atuuttoq ukioq manna naassaaq, taamaattumillu pingaaruteqarpoq periusissamut tullermut immikkut ilisimasallit inassuteqarnissaat, periusissarlu ukiap ingerlanerani suliarineqassaaq. Immikkut ilisimasallit inassutaat tusassallugit qilanaareqaara, naalakkersuisoq erseqqissaavoq.
Angalaqatigiit angalaffigissavaat Tasiilaq, Kulusuk, Nuuk aammalu Aappilattup eqqaani rubinisiorfik.