Greenland Spirit
Tasiilami kulturikkut taarseeqatigiinneq
Kulturikkut taarseeqatigiinneq ´Greenland Spirit´ ulluni makkunani Tasiilami misigineqarsinnaavoq
Ulluni makkunani Tasiilami kulturikkut taarseeqatigiittoqarpoq.
Siunertaavoq Kitaamiut Tunumiullu akornanni kulturikkut taarseeqatigiinnissaq erinarsorneq, uaaeerneq qilaatersornerlu atorlugit, kiisalu videomik takutitsilluni, oqallilluni saqqummersitsillunilu.
Eqqumiitsuliortut peqataasut ilisimaneqartut tassaapput tivasartoq Kulusummiu Anda Kuitse aamma isiginnaartitsisartoq, uaaeertartoq isiginnaartitsisutullu ilinniarfimmi pisortaq Varste Berndtsson.
Taakkua børnehjemmimi, innarluutilinnut centerimi utoqqaallu illuanni uaaeernermik tivanermillu takutitsipput, aammalu pinerluuteqarsimasunut inissiisarfimmi takutitsissallutik.
Nipilersortartut tusaamasat peqataapput
Tamatuma saniatigut suliniummut atatillugu Tasiilamukarlutik peqataapput erinarsuusiortartoq nipilersortartorlu Ole Kristiansen aamma Jorsi Sørensen.
Ullumi, tallimangornermi, Tasiilap Timersortarfiani akustiskimik tusarnaartitsisoqassaaq, Nalusuuneru Tarnerani Villads Villadsenip taalliaanik aallaavilimmik, kiisalu Ole Kristiansen erinarsuusiaminik tusarnaartitsissaaq.
Tamakkua ilagaat assiliisartoq Parisimeersoq Marti, taannalu eqqumiitsuliortut Kitaaneersut assinginik saqqummersitsivoq nutaamillu video-liorluni Tasiilarmiunik apersuilluni, kiisalu filmiliuummik aqutsisoq Anders Berthelsen.