Katersugaasivik
Tasiilami katersugaasivik aqutsisortaartoq
Maajip aallartilaarnerani Tasiilap Katersugaasivia aqutsisortaarpoq.
Katrine Funding Højgaard cand.mag., Aalborg Universitetimi qaluttuarisaanermik ilisimatusartoq Tasiisalimi katersugaasivimmi aqutsisunngortussaq.
Katrine Højgaard atorfininnginnermini Kommuneqarfik Sermersuumi aammalu Nuup katersugaasiviini pikkorissaqqaartinneqarsimavoq. Katersugaasivimmilu aqutsisunngortut ukiaru tunumiusut pikkorissarnissani naatsorsuutigaa.
Katersugaasiviup nittartagartaarnissaa suliniutinut siullernut ilaasimavoq, taanna uani takuniarneqarsinnaavoq: www.ammassalik.museum.gl
Oqaluffitoqaq nutarsarneqartoq
Oqaluffitoqaq qisunnit sanaajusoq katersugaasivinnit pingaanersaavoq, illoqarfiulli umiarsualiviata qulaatuginnguani inissisimalluni.
Oqaluffik 1908-mi atoqqaarfissiorneqartoq illoqarfimmi kristumiunit siullerpaatut oqaluffigineqarsimavoq, taannalu 1986 tikillugu oqaluffigineqarsimasoq, katersugaasiviup nittartagaani paasissutissiarineqarpoq. Piffissami tassani inuttaasut amerliartupiloorsimapput, oqaluffitoqarli ilagiinnut mikivallaalersimalluni, tamatuma kingunerisaanik oqaluffik nutaaq anginerusoq 1986-mi atoqqaarfissiortinneqarpoq.
Ukiut tulliini oqaluffitoqaq 1990-imi Ammassalimmi Katersugaasivinngortinneqannginnerani toqqorsivittut atorneqarsimavoq.
Nunarsuarmi tupilak pisoqaanersaq
Ammassallimmi Katersugaasivimmi nunarsuarmi tupilak pisoqaanersaq Tunumi sanaajusoq aalajangersimasumik saqqummersitanut ilaavoq. Taanna angakkumit Mitsivarniaanga (1860-1910) Angmagssalimmi 1893-mi sanaajusimavoq.