Tasiilaq
Tasiilami inissiaqarnikkut aalisakkeriveqarnikkullu periarfissiisoqartoq
Sermersuumi kommunalbestyrelsi kommunimut pilersaarummut tapiliussanik marlunnik akuersissuteqarpoq
Kommunalbestyrelsip kingullermik ataatsimiinnerani, kommunimut pilersaarummut tapiliussat marluk akuersissutigineqarput, akuersissutigineqarnerilu naapertorlugit Tasiilami inissiaqarnikkut inuussutissarsiuteqarnikkullu siuarsaanissamut periarfissaqarlualerpoq, kommuni ilisimatitsivoq.
Inissiat 80-it nutaat
Ilaatigut illoqarfiup kujasinnerusortaani inissianik 80-inik nutaanik sanaartortoqassaaq. Napparngummi sanaartorfioreersumut ilassutitut sanaartugassat inissinneqarsinnaapput tassanngaanniit kangerlummut isikkiveqarluni.
Kommunimut pilersaarummut tapiliussaq naapertorlugu, inissiat blokkit pingasut marlunnit pingasunut quleriillit sanaartorneqarsinnaapput.
Atuaruk: Aningaasat festivalimeersut Tasiilamut tunniunneqartut
Aalisakkerivik
Peqataanik kommunimut pilersaarummut tapiliussap aappaa naapertorlugu, aalisakkeriviliornissamut inissamik pilersitsisoqarpoq. Aalisakkerivimmiissapput aalisakkat suliarineqarnerannut atortut, aalisakkanik qajuusaasivik aalisakkerivimmullu atasoq talittarfik.
Talittarfik Tasiilap illoqarfiata kujasinnerpaavani kangerlummut saatillugu toqqaannartumik inissinneqarsinnaavoq.
Atuaruk: Aalisakkanik tunisassiorfik 700 millionilik unitsikkallarneqartoq