Tasiilaq
Tasiilami anorersuarpoq: Pisariaqanngitsumik anisoqassanngitsoq kaammattuutigineqarpoq
Anorersuarnera pissutigalugu pisariaqanngitsumik anisoqannginnissaa politiinit kaammattuutigineqarpoq
Tasiilami anorersuarnera pissutaalluni pisariaqanngitsumik anisoqassanngitsoq biilertoqassanngitsorlu Tasiilami politiinit kaammattuutigineqarpoq.
Tasiilap politiivisa immikkoortortaqarfianni pisortaq Mathæus Larsen nalunaarpoq.
Nalunaaqutaq 13.00 meterimut 14-nik anorlertoq, sakkortunerpaaffissaralugu meterimut 29,4-nik anorlissasoq Asiap paasissutissiiviani takuneqarsinnaavoq.
Tasiilami sakkortuumik anorlertoq, kiisalu anorersualersinnaasoq, DMI ilimasaarivoq.