Sisimiut
Tarnimigut napparsimasoq Sisimiuni tigusarineqartoq
Uani suliami aamma pisumi inummik sioorasaarisimasoq pineqarpoq. Tigusarinninnerli pissangartorsiortoqarani pivoq, politiit erseqqissaapput
Annonse
Qeqqata Kommuniani isumaginninnermik sulialimmik sioorasaarisoqareersorlu, Sisimiuni politiit ataasinngornermi innuttaasoq tarnimigut napparsimasoq tigusaraat.
- Tigusarinninneq eqqissisimasumik pivoq, pineqartoq najukkaminit nammineerluni anillappoq. Pineqartoq nakorsarneqartareermat napparsimmavimmukaanneqarpoq, unnerluussisussaatitaasut pisortaat, Morten Nielsen Politimestereqarfimmeersoq oqarpoq.
Nuummitut inngitsoq
Nuummi sapaatip-akunnerata naanerani politiit annertuumik suliaqarneranni, inuk aamma tarnimigut napparsimasoq sioorasaarisimasoq assiginagut, Sisimiuni tigusarinninneq politiit ukiumut arlaleriarlutit suliarisartagaannut assingusumik pivoq, unnerluussisussaatitaasut pisortaat erseqqissaavoq.