upalungaarsimaneq
Tarnikkut ikiueqqaarnermi ilitsersuisut nutaat qulit
Nunami tamarmi arlallit pikkorissarput tarnikkut ikiueqqaarnermik ingerlatsinissamut
Sisamanngormat tarnikkut ikiueqqaarnermik ilitsersuisut nutaat qulit misilitsinnerminni angusipput, Nuummi akunnerni 24-ni pikkorissareersimallutik.
Pikkorissartittsineq ingerlanneqarpoq Kalaallit Røde Korsiannit, oqaatigineqartorlu naapertorlugu pikkorissarneq tamaviaarnarsimavoq, peqataasunut misigissutsikkut annertuunik piumasaqarfiulluni.
Ilinniartitsinermut akisussaaffik
Ilitersuisut nutaat maanna ilinniagaqalerput suleqamminnik gruppinillu allanik tarnikkut ikiueqqaarnermik ilinniartitsisinnaalerlutik.
Ilinniagalinnik ilitsersuisoqarpoq Ilulissani, Uummannami, Aasianni,l Sisimiuni, Maniitsumi, Narsami, Qaqortumi, Paamiuni, Tasiilami, Ittoqqortoormiini Nuummilu.
Pingaarutillit
– Pikkorissartitsineq tullianik neqeroorutigineqarpat neriuppugut Kalaallit Nunaanni illoqarfinnit amerlanerusunit peqataasoqassasoq, tassa qularutissaanngimmat ilitsersuisut nutaat inuiaqatigiinni pingaaruteqarluartumik ikiortaassasut, Kirsten Mortensen, Kalaallit Røde Korsianni allattoqarfimmi pisortaq oqarpoq.