sapaatip akunnera 18
Taquat naatitallu Qaqortumi akeqanngitsut
Sapaatip akunnera 18 meeqqat peqatigalugit Brugsenimi Qaqortumi malunnartinniarneqassaaq
Kinamita boorluliullaqqinnerpaava? Kinamita pizzaliullaqqinnerpaava? Arsamik isimmitsisaqattaarneq, qillertuusanik uppititsiniaaneq. '
Ilaatigut tamakkuupput sapaatip akunnera tulliani Qaqortumi sammineqassapput.
Sapaatip akunnera imigassartorfiunngitsoq malunnartinneqassaaq.
- Sapaatip akunnera 18 imigassartorfiunngitsutut suaarutigineqarnikuuvoq – tassanilu meeqqat qitiutillugit iliuuseqarusuppugut. Meeqqanut sammisassarpassuaqassaaq – arfininngornermi majip pingajuani sapaammilu sisamaani, Qaqortumi immikkoortortaqarfimmi siulittaasoq Lisbeth Søvndahl Pedersen oqarpoq.
Arfininngornermi sapaammilu tupersuaqassaaq tassanilu meeqqat tamalaanik akiginiaasinnaapput.
- Unammisitsissamaarpugut. Booluliullammammik toqqaasoqassaaq pizzaliullammammillu. Brugsenip Qaqortup saavani meeqqat tivoliat ingerlanneqassaaq sammisassallu akeqassanngillat. Qillertuusanik puujaasaaqqanillu uppititsiniaasoqassaaq, arsamik isertitseriaqattaarneerit, nigalimmik igitsisaqattaarnerit. Soorunalumi aamma pisiniarfimmi neqerooruterpassuaqassaaq meeqqanut sammitinneqartunik. Sapaatip akunnera meeqqat peqatigalugit malunnartinnissaa qilanaaraarput, Lisbeth Søvndahl Pedersen oqarpoq.
Brugseni Qaqortoq Tasersuarmi atuartunut tamanut taquanik naatitanillu akeqanngitsumik tunniussiniarpoq. Ataasinngornermiit tallimanngornerup tungaanut meeqqat taquanik naatitanillu tuniorarneqassapput.
Sapaatip akunnerani 18-mi pisussat atuakkit