eqqaaniut

Tapersiissummik erinarsuut: Naak nipaalligaluartoq asanninneq ajugaavoq

Mik S. Christensen Atlantic Studio CPH-imit Henrik A. Brobergimut januaarimi kræfterluni toqukkut qimaguttumut taalliorpoq. Taallaq Julie Berthelsenimit erinarsorneqarpoq

Henrik A. Broberg kræftimik nappaateqareerluni januaarimi toqukkut qimaguppoq. Taallaq Henrik A. Brobergimut eqqaaniutigineqartoq itunesikkut aaneqarsinnaavoq

Ikinngutitut nipilersornikkullu suleqatigiissimaneq pillugu Henrik Arkalo Broberg eqqaaniarneqarpoq. Taallaq Mik S. Christensenimit taalliarineqarpoq Julie Berthelsenimillu erinarsorneqarluni.

Julie ilaatigut ima erinarsorpoq:

- Naak nipaalligaluartoq asanninneq ajugaavoq.

Henrik Arkalo Brobergip nipilersornerup silarsuaanut nuannarisaqarneranut aamma tunngassuteqarpoq:

- Henrik hiphopimut club-music-imullu nuannarisaqarluarsimavoq, tamanummi nipersortariaatsinut nuannarisaqartuuvoq. Nipilersornerup tungaatigut suliarpassuaqarpoq. Aamma Nuuk Posse-mi peqataanikuuvoq pikkorilluinnartutullu nalunnginneqarluni, tamattami eqqaamavarput, Mik S. Christensen tusagassiutinut nalunaarummi oqarpoq.

Taallaq saqqummersoq kalaallisut danskisullu atorneqarpoq, Simon Uldumimit nassuiarneqarluni. Itunesikkut taallaq aaneqarsinnaavoq, Asanninneq Ajugaavoq-imik ateqarluni. Rappernertaa danskimit NITI-mit erinarsorneqarpoq.

Isertitissutaasut tamarmik Henrik A. Brobergip ilaqutaanut tunniunneqassapput.

Powered by Labrador CMS