Social medier

Tamataqaranngitsunik assinik ingerlaartitsisarnerup kingunerluutigisinnaasai meeqqat atuarfiini sammineqartalissasut

Meeqqat atuarfianni angajulliit atuartinneqarnerini MMS imaluunniit nittartakkakkutnaapittarfikkut tamataqanngitsunik assinik avitseqatigiittarnermut tunngasunikpaasissutissiisarneq eqqunneqarnissaannut, Inatsisartut qulakkeerinnikkusupput.

Qiimmassaatitut tamataqanngitsunik avitseqatigiittarneq pineqartumut kingunerlutitsisinnaavoq.

Tamanna inuusuttut tamataqaratik assinik ingerlaartitseqattaaleraagata kingunerluutigineqarsinnaasunut ilaavoq.

Pineqartoq akuersitissimanagu assiganik ingerlaartitsinissaq inerteqqutaavoq. Ajornerulersarporli inuit naapeqatigiittarfiini asseq ingerlaaleraangat, ingerlaalereeraangammi asseq imaasiallaannaq peerneqarsinnaaneq ajorpoq.

Aamma atuaruk: Politiit: Inuusuttut assinik tamataqanngitsunik avitseqatigiittarput

Tamanna kingulerniitsigineqarsinnaasoq Demokraatit meeqqat atuarfiini atuartunut paasitikkusuppaat. Taamaammat sammisaq atuarfimmi sammineqartalernissaa pillugu taakku siunnersuummik saqqummiussaqarput.

- Takorlooruminaatsunik siunissamut ungasinnerusumulluunniit kingunerlutsitsisinnaasarput, nittartagarmi puigorsinnaanngitsuusisarmat, inatsisartut upernaakkut ataatsimiinnerani partii siunnersuummik saqqummiinermini, taama tunngavilersuuteqarpoq.

Aamma atuaruk: Assit tamataqanngitsut pillugit meeqqat illersuisuat aarlerisaarivoq

Kultureqarnermut, ilinniartitaanermut, ilisimatusarnermut ilageeqarnermullu ataatsimiititaliap siunnersuut eqqartorsimavaat isumaqataaffigalugulu – videolli aamma ilanngunneqarnissaat taakku kissaatigaat.

Siunnersuut Naalakkersuisunit taperserneqarpoq, sammisarlu ullumi Inatsisartuni suliarineqasssaaq.

Powered by Labrador CMS