Tallimanngorpat qaammat pulassaaq
Tallimanngornerup arfininngornerullu akornanni unnuakkut Qaammat pulassaaq - takuuk qaqugu piareersimassanerlutit
Ukioq manna qaammat aappassaa pulaguni affarmik pulassaaq, Qaammat Nunarsuup tarraata affaa saneqquppagu.
Qaammatip pulanera aallartissaaq tallimanngornermi kitaani nalunaaqutaq malillugu nalunaaqutaq 19.48 naassallunilu unnuk taanna nalunaaqutaq 23.52.
Qaammat pulappat takuneqarsinnaassaaq ilaap kujasissuani kingornalu kujammut kippasissuani. Pitsaanerpaamik isiginnaarneqarsinnaavoq illoqarfiup qaamarnganit illunillu portusuunit qimagulluni.
Annertunerujussuarmik takusassaqarpoq
Nalinginnaasumik tigumiartakkamik qinnguteqaraanni imaluunniit teleskop-imik mikisumik peqaraanni pissanganarsinnaavoq taakkua atorlugit qaammatip qinnguartarnera, aamma pulanissaa sioqqullugu kingornatigullu.
Taakkua atorlugit qaammammi kraatererpassuit bassin-erpassuillu takuneqarsinnaapput, ilaatigut kraaterersuaq qallunaamut ulloriarsiuumut Tycho Brahemut atsiunneqarsimasoq.
Sermitsiaq.AG-p videnskab.dk suleqatigaa, taamaattumillu allaaserisaq una ilanngussinnaavarput. Allaaserisavia atuarsinnaavat uani.