Tallimanngormat toqoraanerit qisuariarfigigaat

Parisimi aqqusinerni innuttaasunut aallaannillutik toqutsinertik, Syriami silaannakkut saassussinernut akiniutaanerarlugit arlaleriarlutik suaartarput.

Frankrigip aammalu iliisa iliuusaat kingulliit naapertorlugit, silaannakkut sorsunnerit ingerlaqqinnissaat aamma sakkortusinissaat ilimanarpoq.

Taamatullu Syriami mittarfimmi qaartartumik Amerikameersunik tigusisut inuulluaqqusinertalimmik 'From Paris With Love' assi maanna ivertinneqaqattaarpoq.

Atuaruk: Parisimi pinerliineq Qujaukitsup tupassutigaa

Amerikamiut sakkutuui amiilaarnartumik qaartartunut inuulluaqqusutinik allanniliinermik ileqqoqarput.

Oqaatsitigut aamma sorsunneq
Akiniaanerli aamma sakkukinnerulaamik iluseqarsinnaavoq.

Tassami præsident Fracois Hollandep aalajangiusimasumik Parisimi qaartartumeerisut aamma aallaasersorlutik pinerliisut 'Daesh'-imik taavai.

Taassuma piaaraluni pinerliiniartartut aaqqissuusaanerat ilasseraanngitsumik taavaa, tassami Islamisk Statimik (IS, red.) taaneqarusunnerusarput.

Taakkumi pikitsitsiniatut isigineqarusunnerupput. Oqaaseq Daesh nutaarsiassaanngilaq, taamaattorli islammip eqqortup nassuiarniarneranik atorneqartarsimavoq.

Sorsunneq sorsunnerulersitsissasoq
Daesh kalaallisut inuit ataasiakkaat 'maangaannaq ingerlasunik' nutserneqarsinnaavoq, allat upperisaannik aamma pisinnaatitaaffiinik ataqqinninngitsut.

Atuaruk: Parisimi pinerliisoqarnerata kingorna erfalasoq nuatsinni qiteqqunneqarpoq

Amerlanerusut maanna isumaqalerput, oqaatsitigut aamma timitalersuinikkut akerleriinneq pinerliniaanut IS-mut nukittorsaataaginnassasoq.

Ajornerulissangatikkaat
- Sakkutuunik 2003-mi iliornitsitut aallartitsisinnaavugut, ukiut qulit qaangiuppata IS nungutinneqarsimassaaq. Illuatungaanilli allamik aaqqissuussaanernik taarserneqarsimassapput, suli annerusoq aammalu nukittunerusoq, Loretta Napoleonis, IS-mik ilisimasalik aviisimut Informationimut taama oqarpoq.

Maanna IS-ip tallimanngornermi saassussinerup sorsunnerulernermik kinguneqarnissaa kissaatigigaa, taanna isumaqarpoq.

Informationimi atuaruk: IS-ekspert: Krig vil kun gøre ondt værre