Talerminneq: Inuusuttuaraq Jyllandimut unammersuaarialersoq
Nanoq Pullers-imi unammisartoq 19-nik ukiulik Eli Sørensen Danmarkimut unammiartulerpoq
Talerminnermi Jyllandimi pissartanngorniunnermi Eli Sørensen Nuummi talermittartut klubbiat Nanoq Pullers sinnerlugu unammeqataassaaq. 14-nik ukioqarluni talermittalerpoq, Randers Storcenterimilu unammisaqattaarnerni peqataassalluni.
- Sungiusariartuaannarmat ineriartorluarnikuullunilu periarfissamik tunivarput peqataanissaanut, Nanoq Pullersimi siulersuisut allapput.
Oqinnerit akornanni unammeqataassaaq.
Inuusuttuaqqat 18-it ataallugit ukiullit ineriartorluarnissaat anguniarlugu sungiusarluarneqassasut Nanoq Pullersimit oqariartuutigineqarpoq.
Jyllandimi pissartanngorniunneq Randers Storcenterimi pissaaq, maajip 26-ani ingerlanneqassalluni.