kuupiup atornerluinera

Takussutissiaq: Nunatta karsianit 25.034 koruunit Kuupimit ima atorneqarput

Kuupik Kleistip januaarimi 2013-mi Naalakkersuisunut siulittaasuunermini akiligassai ataani takuneqarsinnaapput

Timmisartumik angalanermut aningaasat atorneqarput
Kuupik Kleist - assi toqqorsivimmit
Timmisartumik angalanermut aningaasat atorneqarput Kuupik Kleist - assi toqqorsivimmit Leiff JosefsenTimmisartumik angalanermut aningaasat atorneqarput Kuupik Kleist - assi toqqorsivimmit Leiff JosefsenTimmisartumik angalanermut aningaasat atorneqarput Kuupik Kleist - assi toqqorsivimmit Leiff Josefsen

Aleqa Hammondip Nunatta karsianit aningaasanik atornerluisimanera Sermitsiaq.AG-mi qanittumi saqqummiuppaa, tassani aningaasat maajip 28-ani 2013-mit ukioq manna maajip 14-ata tungaanut atorneqarput 106.363,27 koruunit.

Naak akiligassat akilerneqarnissaat allagarsiisoqartaraluartoq akiligassat septembarip arfineq pingajuanni ukioq manna akilerneqarput. Taanna peqqutigalugu Aleqa Hammond Siumumi aamma Naalakkersuisuni siulittaassujunnaarpoq.

Kuupik Kleistip aningaasanik atornerluisimanera pillugu Naalakkersuisut siulittaasuata Naalakkersuisoqarfianut aamma paasissutissat Sermitsiaq.AG-mit piniarneqarput.

Paasissutissani takuneqarsinnaavoq Kuupik Kleist Naalakkersuisunut siulittaasuutilluni 25.034 koruuninik Nunatta karsianut akiitsoqartoq. Timmisartunut angalanernut 25.034 koruunit nalingannut aningaasanik Nunatta karsianit angalavoq januarimi 2013-mi.

Aningaasartuutit januaarip sisamaani 2013-mi januaarip 15-ata tungaanut 2013-mi atorneqartut Naalakkersuisut siulittaasuata Naalakkersuisoqarfianit nalunaarutigineqarpoq, kiisalu aningaasat septembarip 30-ani akilerneqarsimasut aamma nalunaarutigineqarluni.

Inatsisartut Kukkunersiuinermut Ataatsimiititaliaat septembarip 26-ani nalunaaruteqarpoq Kuupik Kleist aamma Aleqa Hammond Nunatta karsianut akiitsoqartut. Kuupik Kleist taamatut paasissutissiisoqareersoq ullut pingasut qaangiummata Inatsisartunit tunuarpoq.

Kuupik Kleistip aningaasanik Nunatta karsianit atuineranut uppernarsaatit talerpiata tungaani takuneqarsinnaapput. PDF-inngorlugit takutinneqarput

Powered by Labrador CMS