Ilulissat
'Takornarissat takusassat akiliiffigisassavaat'
Takornarissat Ilulissani Sermermiut takuniarunikku akiliissasut, Avannaata Kommunianut ikaarsaariarnermut ataatsimiititaliamut siulittaasup tulliata Aqqalu Jerimiassenip ammasumik allagaqarluni siunnersuutigaa.
- Unesco-p nunarsuarmioqatigiinnut kingornussassanngortitaanut Sermermiunut takornarissanut pisuttuarfiginissaa akeqalertinneqartariaqarpoq.
Avannaata Kommuniani ikaarsaariarnermut ataatsimiititaliami siulittaasup tullia, Aqqalu Jeremiassen (A), ataatsimiititaliap siulittaasuanut Palle Jerimiassenimut taama ammasumik allagaqarpoq.
Aserfallatsaalineqassasoq
- Tassa imaappoq Unesco-p nunarsuarmioqatigiinnut kingornussassanngortitaa sukkasuupilussuarmik sequtserneqarsinnaanera ajorinngittutullusooq ipparput, ingammik aasakkut. Taamaammat takornarissat Ilulissani Sermermiunukarniaraangamik akiliisalernissaat siunnersuutigissavara, taanna erseqqissaavoq.
Aqqalu Jerimiassenip Danmarkimi Himmelbjergip majuarniarnerata akeqartoq assersuutigaa.
- Sermermiut siulitta najungaqarfitoqaat akeqalertinneqartariaqarpoq pisuttuarfiginissaa takornarissanut, tamassumunngalu ilutingalugu akiliutigineqartunik aserfallattaalinera sulisoqarneralu akilersorneqarsinnaalissangaluarmat, Aqqalu Jerimiassen ammasumik allakkamini oqarpoq.