Takornarissat amerleriaateqarnerat akunnittarfinnit iluarineqartoq

Tamanna Naatsorsueqqissaartarfiup kisitsisaataasa takutippaa, ukioq mannalu takornarialerineq ilimagineqareersutut ingerlalluarsimanera uppernarsarlugu. Piffissami taaneqartumi unnuisimasut nunanit allaneersut 25.008-usimapput nunatsinni najugaqartut 18.810-usimasut. Nuna tamaat isigalugu Ilulissani unnuisimasut nunatta avataaneersut amerlanerusimapput, Naatsorsueqqissaartarfik paasissutissiivoq.

Positiv tendens

Tikeraat amerliartuinnarnerat ilutigalugu akunnittarfinni uunuisarnerit aamma amerlatsikkiartulersimapput. Ukiumi kingullermi piffissap taamaasineranut sanilliunnerini 11 procent qaffariaataasimavoq, “Nunanit allaneersulli” aamma “Europami nunanit allaneersut” amerleriaateqarnermut pissutaapput. Akunnittarfinniittartut sumi nuaminngaanneersuunerit allaaserisap ataani statistikkimi takusinnaavat.

- Takornarissat statistikkimut sanilliunnerini ikileriaateqarsimangaluarput, kisianni nunami takornarialerinermik suliaqartartunit paasitinneqarsimavugut ukioq mannatuulli ulapitsigisimanatik, Mads Daniel Skifte Visit Greenlandiminngaanneersoq oqarpoq. Taassuma nassuiaatigaa takornarissat ikileriarsimanerinut pissutaangunartoq, umiarsuit takornariatartaatit tikinnerini timmisartunik attartortarnerup ikileriaateqarsimanera.

"Nunami" takornarissat amerlanerulersimanerat takornarialerinermik ingerlataqartunut taamaallaat atuuppoq. Takornarissammi taakku umiarsuakkut takornarianiit – umiarsuarni nerisaqarlutillu unnuisartuniit – anignaasanik atuinerusarput.

Ilulissani ikileriaateqalaarneq

Akunnittarfimmilu unnuisartut pillugit, Ilulissani ukiup siulianut sanilliunnerani 2 procentimik ikileriaateqalaarsimapput, akerlianilli Qaasuitsup Kommunia tikinneqarnera 24,85 procentinik amerleriaateqarsimalluni. Allaaserisap ataani kommunit kisitsisit takukkit.