takornariaqarneq

Takornariartaatit tikittartut siunissami ikinnerulernissaat ernumassutigineqartoq

Kangerlussuarmi umiarsuliveqarneq pitsanngortinneqartariaqartoq Qeqqata Kommuniani borgmesterimit Hermann Berthelsenimit kissaatigineqarpoq

Qeqqata Kommuniani borgmesteri Hermann Berthelsen, Siumut
Kangerlussuarmi umiarsuarnik talittarfeqarneq ima isikkoqarpoq
Kangerlussuarmi umiarsuarnik talittarfeqarneq ima isikkoqarpoq Qeqqata Kommunia Qeqqata KommuniaQeqqata Kommuniani borgmesteri Hermann Berthelsen, Siumut Leiff JosefsenKangerlussuarmi umiarsuarnik talittarfeqarneq ima isikkoqarpoq Qeqqata Kommunia Qeqqata KommuniaQeqqata Kommuniani borgmesteri Hermann Berthelsen, Siumut Leiff JosefsenKangerlussuarmi umiarsuarnik talittarfeqarneq ima isikkoqarpoq Qeqqata Kommunia

Umiarsuatileqatigiiffiup Crystal Cruisesip Alaskami Anchoragemit Alaskamiittumit Sullualukkoorluni Nunatsinnit New Yorkiliarpat umiarsuup Kangerlussuaq aqqusaassanngilaa 2016-mi. Umiarsuup Ilulissat, Sisimiut Nuullu aqqusaassavaa.

Tamanna Qeqqata Kommuniani borgmesterip Hermann Berthelsenip Siumumeersup nunaqarfinnilu aqutsisuni siulittaasup Knud Olsenip tupigusuutigaat.

2016-imi umiarsuarnik takornariartaatilik Crystal Cruises, umiarsuit allat assigalugit Kangerlussuarmi ilaasunik paarlaatsitsinani, New York-imit Anchorage-mut angalanissaa borgmesterimit nunaqarfinnilu aqutsisuni siulittaasumit tusagassiutinut nalunaarummi ajuusaarutigineqarpoq.

- Kangerlussuarmi ullumikkut umiarsualiveqarnermut pissutsit patsisaallutik, umiarsuit takornariartaatinit annerusunit, soorlu Crystal Cruises-ip 2016-imi
atugassaatut annertutigisunit ilaasunik paarlaatsitsiniarnissaq
ajornakusoorpoq.

- Kangerlussuarmi nutaamik umiarsualiviliortoqarnissaq piaartumik Aningaasaqarnermut inatsimmut ilanngunneqartariaqarpoq, taamaaliornikkullu takornarialerineq siumut ingerlalerlunilu ineriartortinneqassaaq, taamatut Hermann Berthelsen Knud Olsenilu oqarput.

Aqqusaarneqarluartartut
Umiarsuarni takornariartaatinit ilaasutamerlasuut ikinissaannut niunissaannullu, umiarsuarnik takornariartaatillit mittarfinni timmisartut anginerusut missinnaanissaat aallaavigisarnerat patsisaasoq oqaatigaat. Nunarsuarmilu Kangerlussuarmi mittarfeqarfiani akuttoqatigiinnik ingerlatsisartuni
annersaat ilagigaat oqaatigalugu.

Kangerlussuarmi aammalu immaqa Narsarsuarmi umiarsualiveqarneq pitsanngortariaqartoq oqaatigaat.

- Umiarsuit Kangerlussuaq aallaavittut imaluunniit tikiffissatut angalatillutik, Kalaallit Nunaannut immikkut soqutiginaateqarpoq. Air Greenland-imut timmisartuutileqatigiinnullu allanut ilaasoqartarpoq. Mittarfeqarfiit nunattalu karsianut timmisartornermut akileraarutinik isertitaqarneq. Nunatta karsianut umiarsuit takornariartaatinit akileraarutinik isertitaqarneq, minnerunngitsumillu illoqarfinni nunaqarfinnilu arlaqartuni takornarialerisunut isertitatigut kaaviiaartitsineq.

Assit ataani takukkit

Powered by Labrador CMS