Takornariarneq atisanik takutitsinertalik

NI-mi inuussutissarsiornermik ilinniagaqartut takornariaqarnermillu ingerlatsisut ataatsimoorlutik umiarsuarmik takornariartaammik takornarianut misigisaqartitsipput

Ilinniartut Great Greenlandip amernik atisaliaanik takutitsipput
Ane Betty Hjort Andersen aamma Helga Lorentzen.
Aka Simonsen oqalugiarpoq.
Sørine Thomsen tivavoq.
Aka Simonsen oqalugiarpoq. Rune OlsenSørine Thomsen tivavoq. Rune OlsenIlinniartut Great Greenlandip amernik atisaliaanik takutitsipput Rune OlsenAne Betty Hjort Andersen aamma Helga Lorentzen. Rune OlsenAka Simonsen oqalugiarpoq. Rune OlsenSørine Thomsen tivavoq. Rune OlsenIlinniartut Great Greenlandip amernik atisaliaanik takutitsipput Rune OlsenAne Betty Hjort Andersen aamma Helga Lorentzen. Rune Olsen

Tallimanngormat oktobarip 4-aanni 2013 umiarsuaq takornariartaat Carnival Legend takornarianik 2000-inik ilaasoqarluni Qaqortumut tikimmat aaqqissuussinerni ilisimasanik agguaassineq suleqatigiinnerlu pingaarnerpaatinneqarput. Takornariat tikilluaqquneqarput tivanermik, erinarsoqatigiinnit kalaallisoortunit, inuinnaat angerlarsimaffiini kalaallit nerisassaataannik misiliititsinermik, kiisalu - minnerunngitsumillu - Great Greenland pillugu oqalugiarnermik kingorna ingerlatsivimmi atisanik takutitsinertalimmik uaaeernermillu naggaserlugit.
Tamatuminnga isumassarsisuusimapput Niuernermik Ilinniarfimmi serviceøkonom-imi, SØK1-imi, ilinniagaqartut, taakkualu Greenland Sagaland suleqatigalugu ulloq takornarianut puigunaatsunngortippaat.
Ilinniartut namminneq atisanik takutitsipput, sinnerilu illoqarfimmi sumi tamaaniipput sumunngarfinnut ilitsersuisutut nutserisutullu.
Sørine Petersen, serviceøkonom-itut 3. semesterimi ilinniartoq, atisanik takutitsinermi uaaeerpoq. Taamatut aamma takutitsisimavoq ukioq manna Vestnorden Travel Mart Nuummi ingerlanneqarmat. Atisanik takutitsinermi uaaeernerup saniatigut aamma nipilersuutit aquppai.
Great Greenlandip amernik atisaliaanik kusanartunik takutitsisut iveruteqarput Duuden Design-imit sananeqarsimasunik.

Powered by Labrador CMS