takornariaqarneq
Takornarialerinermi pilersaarut aallartinneqarpoq
Nuuk takornarissanut nunap assitaanni ilanngukkusuppoq 2017-ilu illoqarfiup pingaarnersaasut takornariaqarnermut ukioritissagaa.
Takornarialerinermut atorfilittat 400-ut septembarip qaammataani VestNorden Travel Mart-event-imi peqataassapput. Nuuk massakkut nuna assigani inissinneqassaaq.
Takornariat tikittartut amerlatsikkiartorluarput. 2015-miik 2016 ilanngullugu Nuummut nunanit allanit tikittartut marloriaatinngorsimasut
Nuannarineqarnera annertusiartorpoq
- Nuup ornigarneqarusunnerata qaffakkiartornera takussinnaavarput. Angalatitsiviillu atuisartuminnut illoqarfimmi pinngortitamilu misigisassarsiorluni periarfissaqarnera soqutigaat. Sermersooq Business Councilimi inuussutissarsiornermut siunnersorti Stine Selmer Andersen kommunip aningaasaqarnera qaffassarneqassaaq.
- Ajoraluartumillu nassuerutigissavara angalasut nunatsinnut angalanerup akisunerujussua uniffigisaraat, nunatsinnimmi angallanneq nunarsuarmi akisunerpaat ilagivaat. Stine Selmer Andersen Sermitsiaq.AG-mut oqarpoq.
Qularunnaassaagut
Colourful Nuuk suleqatigalugu illoqarfimmi siunnersortit inuussutissarsiornermik ingerlataqartunut qaaqqusipput Turismeboost 2017-imik atserlugu, takornarissat nunatsinnut angalaniarlutik aporfeqartarnerat sulissutiginiarlugu.
Suliffeqarfiit takornarialerinermik inuussutissarsiortut minnerit suleqatigiillutik illoqarfiup takornarianut pilerinarsarnissaa sulissutigissavaat.
Turismedboost 2017 paasisaqarfigiuk
Turismeboost 2017 15. februarimi aallartissaaq aallarniutaasumik seminarernertalimmik boot campimillu nanginneqassallunilu qulequttanillu assigiinngitsunik itinerusumik sammisaqarfiusumik.
Lars Albæki Bornholmimi inuussutissarnikkut misilittagaqarluarpoq nutaanillu tuniniagaqalernikuuvoq Nuummi ingerlanneqartussamut assigusumik peqataareerluni, Larsi boot campimik ingerlateqataasussaavoq,
Ikoqatigiinneq avitseqatigiinnerlu
- Isummat nutaat eqqartussavagut. Peqataasut aningaasaqarnikkut ineriartornissaannut avitseqatigiinnermullu ikiorneqassasut Stine Selmer Andersen taama oqapoq.
Peqataaneq akeqassanngilaq, suullu neqeroorutigineqarsinnaanersut aasap ingerlanerani eqqartorneqassapput,
VestNorden Travel Mart septembarip qaammataani 18.-niik 21.-at ilanngullugu ingerlanneqartussami atorfilittanut takutinneqassapput.
Inuussutissarsionermik siunnersortit ukioq manna takornarialerineq pingaartippaat. Neriuutigaalli 2018-imi takornariat amerleriarsimassasut.