Europamesterskabit

Taekwondortartut marluk EM-imi ima angusaqarput

Nunanut allanut unammisartunut sungiusaasoq Angutinnguaq Tittussen naammaginnippoq, naak Kalaallit Nunaat taekwondomi Europami pissartanngorniunnermi ujaminnanngikkaluartoq

Assimi takuneqarsinnaapput Pilunnguaq Filemonsen (saamerleq) Villads Mølgaard aamma sungiusaasoq Angutinnguaq Tittussen
Johannes FlyAssimi takuneqarsinnaapput Pilunnguaq Filemonsen (saamerleq) Villads Mølgaard aamma sungiusaasoq Angutinnguaq Tittussen Grønlands Taekwondo Forbund Johannes FlyAssimi takuneqarsinnaapput Pilunnguaq Filemonsen (saamerleq) Villads Mølgaard aamma sungiusaasoq Angutinnguaq Tittussen Grønlands Taekwondo Forbund Johannes FlyAssimi takuneqarsinnaapput Pilunnguaq Filemonsen (saamerleq) Villads Mølgaard aamma sungiusaasoq Angutinnguaq Tittussen Grønlands Taekwondo Forbund

Taekwondorluni Europami pissartanngorniunnerit Grækenlandimi Thessalonikimi ingerlanneqartut, sapaatiummat naammassipput.

Kalaallit Nunaat unammisartunik marlunnik peqataatitaqarpoq, tassa Pilunnguaq Filemonsen aamma Villads Mølgaard.

Ujaminnannissamut qanittut
Pissartanngorniunnernilli ujaminik angerlaassisoqanngilaq.

Pilunnguaq Filemonsen 51 kiilu tikillugu oqimaassusilinni unammeqataasoq, immikkoortumi siullermi persitaavoq, unammisaminut Ukrainemeersumut 2 - 3-mik ajorsarnermi kingorna. Frikampimi pitsaanerusumik angusaqarpoq, tassani kvartfinalimi peerpoq. Walesimeersumut unamminermini kingullermi ajorsarpoq.

Aturauk: Taekwon-Dortartut marluk EM-ilersut

Angutini peqataasoq Villads Mølgaard, 71 kiilu tikillugu oqimaassusilinni peqataasoq aamma kvartfinalimi peerpoq. Unamminermi naligiiffiusumi Hollandermiumut ajorsarpoq.

Unammilluarnermik takutitsisut
Frikampimi Grækenlandimiumut misilittagartuumut ajorsarpoq.

- Unammersuarneq ataatsimut isigalugu nunatsinnit unammiartut kusanartumik takutitsipput. Villads Mølgaard siullermik unammersuarnermut aatsaat peqataavoq taamaakkaluartoq ujaminnannissaq qanittuararsuuaa, Angutinnguaq Tittusen oqarpoq.

Powered by Labrador CMS