Nuuk
Taekwondorluni pissartanngorniunneq aqagu aallartissaaq
Taekwondomi unammisartut 85-it Nunatsinni pissartanngorniunnermut peqataassapput
Annonse
Nunatsinni taekwondorluni pissartanngorniunnerit Nuummi pisussat, aqagu tallimanngornermi aallartissapput.
Tassani unammisartut 85-it missaanniittut illoqarfinnit arfineq-pingasuneersut pissartanngorniunnermut peqataassapput.
Unammissutit arfinillit
Taekwondomi unammisartut taama amerlatigisut peqataalermata aaqqissuisut nuannaarutigaat, Nunatta qeqqani pisussaaneranik tamanna pissuteqarpoq.
Unammissutit arfinillit unammissutigineqassapput, tassa tul (teknikimik takutitsineq) frikamp (pointinnanniunneq) special teknik (pissilluni tukerseriarnerit) power breaking (napiseriaqattaarnerit), iligiiaarluni tul, iligiiaarluni frikamp.
Pissartanngorniunnerit Nuup Timersortarfiani pissapput, sapaatiuppallu naammassineqassapput.