Aasiaat
Taekwondomik GM-ertoqarnerani 120-t peqataassapput
Taekwondorluni nunatsinni pissartanngorniunnerit Aasianni ingerlanneqartussat, sisamanngornermi aallartissapput
Taekwondorluni nunatsinni pissartanngorniunnerit, Avannaani illoqarfimmi Aasianni ingerlanneqartussat, aqagu, sisamanngornermi aallartissapput.
Arfininngornerup tugaanut Aasiaat timersortarfiani taekwondorluni unamminerpassuit ingerlanneqassapput.
Taekwondordartut Ilulissaniik, Qasigiannguaniik, Qeqertarsuarmiik, Aasianniik, Sisimiuniik, Nuummiik, Narsamiik Qaqortumiillu pissartanngorniunnermi peqataassapput, Kalaallit Nunaannilu Taekwon-Dortartut Kattuffiata pissartanngorniunneri taekwondortartut 120-t peqataanissaat naatsorsuutigaat.
- Pilersaarutit malillugit ingerlanisarput naatsorsuutigaarput, taamaattorli ukiumoortumik ataatsimeersuarnissaq kinguartittariaqarsimavarput, kujataani Air Greenland-imik ilaasussaagaluit siulersuisuunerni ilaasortat kinguaattoornerat pissutigalugu, kattuffik tusagassiuutinut nalunaarummi allappoq.
Meeqqat pissartanngorniunnerat sisamanngornermi ingerlanneqassapput, inuusuttuaqqat, inersimasut utoqqasaallu tallimanngornermi arfininngornermilu ingerlanneqassallutik.
Unammissutaasussat tassaajumaarput tul, frikamp, breaktest, powerbreaking, selvforsvar, holdtul og holdfrikamp.
Nunatsinni pissartanngorniunneq KNR-TV'kkut malinnaavigineqarsinnaapput.