Taekwon-do-rtartoq inuusuttoq bronze-nappoq

– Unammiaarneq nuannersimaqaaq.
Sungiusaasoq Johan Peter Halsøe taamatut naliliivoq, taannalu tusagassiorfinnut nalunaarutikkut oqaluttuarpoq taekwon-do-rnermi Czech Open-imi Kalaallit Nunaat bronze-nattoq.
Unammiuaarneq sapaatip akunnerata naanerani ingerlanneqarpoq.
– Inuusuttuaqqat siullermeersumik nunani tamalaani unammiuaarnermi peqataasut pissarsilluarput. Unamminerminni takutitsilluarput qularutissaanngilarlu pissarsiffigigaat, angerlarunik kammalaatiminnut ingerlateqqissinnaasaminnik, taanna allappoq.
Taanna nalunaarpoq arfininngormat unamminermi siullermi tul unammissutigineqartoq, tassanilu Laura Ingemann kingorna bronze-nattumut Tjekkiameersumut Benediktova Vendula-mut ajorsartoq.
Tul-imi unamminerup aappaani Daniel Platou tjekkiamiumut ajorsarpoq. Taamaasilluni unammissummi tassani marluullutik ingerlaqqinngitsoorput.
Sapaatiummat marsip 23-anni Laura 52 kiilunik oqimaassusilinni frikamp-imi unammivoq. Tassani Laura kngorna ajugaasumut Buchtová Barbora 'R.-imut, Tjekkiameersumut, ajorsarpoq. 51 kiilunik oqimaassusilinni frikamp-ernermi Daniel Platou bronze-nappoq. Taanna tjekkiamiunut Sluka Dominik-imut ajorsaqqarpoq. Pointeatigiipput, unammeqqinnerminnilu Daniel ajorsaqqarpoq.
Inuusuttuaqqat aqagu marsip 24-anni angerlamut aallassapput, Nunatsinnullu tikissapput marlunngorpat marsip 25-anni.