Politik
Taasititsineq: Partiit nutaat pisariaqartinneqarpat?
Partiit nutaat marluk pilersinneqassamaarnerini, ukiup tulliani qinersisoqarnerani taasivissami partiit minnerpaamik arfineq-marluusinnaanerat ilimanarpoq. Illillu qanoq isumaqarpit? Partiit nutaat nunatsinni politikkimik amigaatigineqartumik matussusiippat?
Partiit marluk tamarmik immikkut politikkikkut anguniagaqartut pilersinneqassamaarput.
Partiip aappaa Vittus Qujakitsumit pilersinneqartussaq 'Nunatta Qitornai'-nik atserneqassaaq. Partii qinersisoqarnissamut qinigassanngortitsiumalluni atsiornernik katersileruttorpoq.
Michael Rosing allanik suleqarteqarluni partiimik sulissuteqarpoq, taassuma kalaallit danskisut oqaasillit samminerussavai.
Partiit assigiinngisutaat ersarippoq. Vittus Qujaukitsup sukkanerusumik namminiilivinnissaq Danmarkimullu piumasaqarnerunissaq kissaatigaa. Michael Rosingilu killormuanik naalagaaffeqatigiinnerup attatiinnarneqarnissaa kissaatigaa.
Nunatta Qitornai namminiilivinnissaq pillugu Kim Kielsenimut suleqatiginnissinnaanngitsunut saaffiginnittuuvoq.
Namminiilivikkiartorermi partiinit tamanit annerusumik minnerusumilluuniit tapersersorneqarnerani, qinersisartut Inatsisartuni tusaaniarneqanngitsut, Michael Rosingip suliniummini sammisarai.
Partiit tamarmik isertitaqassappata Atassullu Inatsisartuni isertitaqaqqissappat, ukiup tulliani piffissap taamaasinerani partiit arfineq-marluk Inatsisartuni ilaasortaatitaqassapput.
Illillu qanoq isumaqarpit? Nunatsinni politikkimik suliaqarnermi partiit nutaat inissaqartinneqarpat?