Qasigiannguit
Taartissamaat Qasigiannguanut nassiunneqarpoq
Qasigiannguani attaveqaqatigiinneq tamarmi ajutooqqavoq. Routeri nutaaq Ilulissatigoorlu Qasigiannguanut nassiunneqarpoq
Annonce
Qasigiannguani attaveqaqatigiinneq tamarmi, soorlu oqarasuaatikkut, internetsikkut, 3G mobilikkut aamma Tusassikkut marlunngornermi ualilluarnerani ajoquteqalerpoq.
Tele-Postimit maanna ilisimatitsissutigineqarpoq Qasigiannguani routeri aserorsimammat attaveqaatit ajortissimasut.
- Routeri nutaaq Ilulissatigut Qasigiannguanut nassiunneqarpoq, ualilluarneranilu helikopterimut attartukkamut Ilulissaniit Qasigiannguanut apuunneqassalluni. Helikopteri taanna Bell 212 sila taarsigaangat aamma ingerlasinnaasarpoq.
- Qasigiarmiut unnuk manna internetsersinnaanissaat neriorsuutigisinnaanngilarput, taamaattoqarnissaali neriuutigalugu, attaveqaqatigiinnermut pisortaq Ivalo Egede oqarpoq.