Taammaammat KNR-imi takuteqqiisaqattaartarput
Kultureqarnermut naalakkersuisup Nick Nielsenip nassuiaatigaa sooq KNR-imi aallakaatitat takuteqqitanik aallakaatitsisarnersoq
- Aallakaatitseriaaseq nutaajuvoq.
llinniartitaanennut, lIageeqamermut, Kultureqamennut Naligiissitaanennullu Naalakkersuisunut ilaasortaq Nick Nielsen, Siumut, oqarpoq.
Nikolaj Jeremiassen Siumumeersup paragraf 37 malittaralugu apeqquteqarpoq sooq KNR TV-mi aallakaatinneqartartut sooq taama takuteqqinneqaqattaartigisarnersut.
Nikolaj Jeremiassenip nassuiaatigaa sooq taama apeqquteqarnerluni:
- Tupinnanngitsumik nunatta sineriaani KNR TV-p aallakaatittagaanik isiginnaartartut qatsussipput ullormut aallakaatitaq ataaseq ulloq naallugu uteqattaarneqartarmat.
Nick Nielsenilu apeqqummut akissuteqarpoq.
'KNR TV 1982-imi aallartimmat pingaartumik DR-ip aallakaatitassiaanik KNR TV-mi aallakaatitsisarnikkut ulloq naallugu aallakaatitsisinnaanissaq pillugu Danmarks Radio isumaqatigiissuteqarfigineqarpoq.
Telep nuna tamakkerlugu aallakaatitsissutaanik digitalinngorsaanermut peqatigitillugu nuna tamakkerlugu kanalit tallimat aallakaatitsisinnaanissaannut teknikkikkut periarfissaqalerpoq kanalillu tallimat taakku tamarmik isiginnaartartunut tamanut neqeroorutigineqarnissaat Namminersorlutik Oqartussanit aalajangiunneqarpoq.
Taamaalilluni kanalit tallimat taakku, ilaatigut DR1 immikkut kanalitut Nunatsinni tamarmi 2013-imi januaarimit isiginnaameqarsinnaalerput tamatumuunalu KNR TV-p pingaarnertut kalaallisut aallakaatitassianik kalaallisuinnaq oqaluffiusunik aallakaatitsivinngortinneqarnissaanut DR1-iIIu aallakaatitassiai apeqqutaatinnagit KNR periarfissaqalerluni.
Aningaasaliisoqarnissaa pisariaqarpoq KNR nammineq suliarisanik imalinnik tv-kkut aallakaatitsiinnarnissamut aningaasassaqanngilaq taamaattumillu KNR TV nichekanalitut taaneqartartunngortinneqarluni, tassa imaappoq aallakaatitat taakkuluunniit ilaat aallakaateqqinneqartalerlutik.
Tamanna sullissinertut eqaallisaanertullu pivoq, taamaalilluni isiginnaartartut ullormut takusassianik nutaanik nalunaaquttap akunneri marluk missaannik isiginnaarsinnaanerisa aningaasaliissutitigut periarfissiissutigineqartut saniatigut aamma KNR TV-p aallakaatitassiaanik piffissani assigiinngitsuni isiginnaaqqinnissamut periarfissinneqarlutik.
Suli nutaajuvoq
TV-mik isiginnaariaaseq takutitseriaaserlu nutaajuvoq, tamatumani isiginnaartartut imminnut pilersaarusiukkamik kanalimik ataasiinnarmik isiginnaagassaqartinneqaratik, isiginnaartartulli maanna namminneq toqqakkamisut isiginnaarsinnaasaminnik imminnullu naleqquttumik katitersinnaasaminnik kanalinik arlalinnik takusassaqalerlutik', Nick Nielsen nassuiaavoq.