Air Greenland
Taamatitsisoqareernerani timisartuussinerit aallarteqqipput
Ullup ingerlaneranili annertunngitsunik kinguaattoortoqarsinnaassaaq, Air Greenland paasissutissiivoq
Sermitsiaq.AG-p ataasinngormat allaaserinninneratut Nuummit, Maniitsumit aamma Sisimiunit anorersuarnera pissutigalugu timmisartuussinissaraluit tamarmik taamaatiinnarneqarnikuupput.
Maannakkulli anori sakkukilliartorpoq, Air Greenlandilu ilisimatitsivoq, marlunngornermi ulloqeqqaanerani timmisartuussinerit aallarteqqissasut.
Atuaruk: Air Greenlandip anorersuarnerani timmisartuussinnginnerata ilaasut 500-t sunnerpai
Kinguaattoortoqalaarsinnaasoq
- Timmisartut Nuummi uninnganikuunerat pissutigalugu, ilaasut illoqarfimmi allaniittut kinguaattoornernik nalaataqarsinnaapput, Air Greenlandip tusagassiisartua Katrine Hjelholt Nathanielsen oqarpoq.
Timmisartorsuaq ullumi Kangerlussuarmit unnugu 21.50 aatsaat Københavnimut aallassasoq, taassuma ilanngullugu ilisimatitsissutigaa.