sulinngitsoortarneq
Taamaattumik suleqatiga suliartorusunngilaq
Aalisakkanik suliffissuaqarnermi sulisartut tallimaagaangata ataaseq napparsimakulaartorujussuusarpoq. Suliniutit nutaat pissutsit allanngortissinnaavaat. Assersuutigalugu:Qaammammi ulapporinnerpaat neriartornerat akilertarlugit bonusisittarlugilluunniit
Suliffeqarfinni amerlanerni napparsimakulaarnerpassuarnik ajornartorsiutit ilisimaneqarput. Nappaatip suussusianik oqaatiginninnissamut aamma napparsimaneq pillugu nalunaarusiornissamut nassaarsiullaqqissoqartarpoq.
Sunarpiarliuna ajoqutaasoq?
Akissutip ilaa Royal Greenlandip, Kanukokap, aningaasaqarnermut naalakkersuisoqarfiup, Kalaallit Nunaanni Sulisitsisut Peqatigiiffiata aamma ingerlatseqatigiiffiup Antropologerne Aps-ip suleqatigiillutik misissuisimaneranni nassaarineqarsinnaavoq. Tassani Royal Greenlandip aalisakkanik suliffissuataani sulinngitsoortarnernut pissutaasunik »sulisartuunermik kulturimik itinerusumik paasinninneq« aamma »sulinngitsoortarnernut inuttut, kulturikkut ilutsikkullu pissutaasunik« annertunerusumik ilisimasaqalernissaq suliassaavoq.
- Nalunaarusiami Sisimiuni aalisakkanik suliffissuarmi sulisut aallaavigineqarput, kisianni aamma Kalaallit Nunaanni aalisakkanik suliffissuaqarnermi allani sulisut 20 procentiisa napparsimakulaarnerannut aamma paasissutissaasinnaasut ataatsimut misissueqqissaarinermi angusani oqaatigineqarpoq.
Sisimiuni aalisakkanik suliffissuar- mi misissuinermi sulinngitsoortarnerni sulisut pingaarnertut »kajumissuseqannginnerannik soqutigisaqannginnerannillu« pissuteqanngitsoq takutinneqarpoq. Naammagisimaarinninnermi misuissuinermi angusat sulisut amerlanerit suliffitsik nuannarigaat upernarsarneqarpoq.
- Akerlianik ajornartorsiutaasartut tassaakkujunnerusarput aqutsisut, sulisut immikkoortortaqarfimmiullu attaveqatigiittannginnerannik pissuteqartut, nalunaarusiami oqaatigineqarpoq, tamatuma kingorna ajornartorsiutaanerpaat sukumiisumik nassuiaatigineqarput.
Nalunaarusiami aamma nalinginnaasumik iperaattamut taarsiullugu qiimmassaataasut / kajumissaataasut atorneqassasut siunnersuutigineqarpoq. Qaammatikkuutaartumik »suleqatigiilluarnerpaat« neriartortinneqartarnissaat aaqqissuunneqarsinnaasoq aamma immikkut ittumik sulisoqarsimatillugu bonusisitsisarneq isumassarsiaasinnaapput pitsaasut. Eqiasuinnerpaat aamma nalunngeqatigiinnissuseqartut tassa akissarsisinneqartassapput.
Allaaserisaq tamaat AG-mi kingullermi atuarsinnaavat. Aviisi nittartakkami pisiniarfinniluunniit pisiarineqarsinnaavoq: