Ilaasortaajunnaarneq
Taamaammat Sermersooq suli Kanukokamit aninngilaq
Kommuneqarfik Sermersuup Kanukomamit suli anisimannginnera Siumumi politikkerimit Peter Davidsenimit paasiuminaatsinneqarpoq
Kommuneqarfik Sermersooq septembarip 23-ani kommunit kattussuuffiannit Kanukomamit 2016-mi januaarip aallaqqaataa aallarnerfigalugu kommuni ilaasortaajunnaassasoq aalajangerpoq.
Kommuneqarfik Sermersuup suli Kanukokamit ilaasortaajunnaarnini suli nalunaarutigisimanngikkaa Siumumi politikkerimit Peter Davidsenimit paasiuminaatsinneqarpoq.
- Kommuneqarfik Sermersuup Kanukokamit ilaasortaajunnaarnini sooq nalunaarutigisimannginneraa nalunaajaatigineqassasoq kommunalbestyrelsimi oktobarip 28-ani piumasaraara, Peter Davidsen oqarpoq.
- Kanukokami ilaasortaajunnaarneq kommunimut annertuumik aningaasatigut allaffissornikkullu kinguneqartussaavoq, taamaattumik nalunaajaasoqarnissaa kissaatigaara, Peter Davidsen oqarpoq.
Kommunip sooq nalunaaruteqarsimannginnera Sermitsiaq.AG-mit Kommuneqarfik Sermersuumut borgmesterimut Asii Chemnitz Narupimut Inuit Ataqatigiinneersumut apeqqutigineqarpoq.
- Inatsisit naapertorlugit Kanukokamit anisoqarsimanersoq misissorneqassaaq Siumumit siunnersuuteqartoqareersoq. Aningaasaqarnermut ataatsimiititaliami eqqartorneqarsimannginnera pissutaalluni Kanukokami ilaasortaajunnaarneq imaasiinnaasoq piviusunngorsinnaanngitsoq oqaatigineqarpoq. Asii Chemnitz Narup Sermitsiaq.AG-mut nassuiaavoq.
- Inatsisit eqqortut malinneqarsimanissaat qulakkeerniarlugu tamanna pillugu aalajangiisoqaqqissaaq ukioq manna. Aningaasaqarnermut ataatsimiititaliami eqqartorneqareerpoq, kommunalbestyrelsimilu tulliani ataatsimiittoqalerpat tamanna eqqartorneqassaaq, Asii Chemnitz Narup oqarpoq.