Mittarfeqarfiit
Taamaammat pinnguaatit dronet atoqqusaanngilatit
Timmisartut qulimiguullillu inuttaqanngitsut, droner-ninik taaguutillit mittarfinniit heliportiniillu 5 kilometerip iluani atorneqaqqusaanngillat, taamaattumillu assersuutigalugu Nuummi atorneqarsinnaanatik
- Timmisartut qulimiguullillu inuttaqanngitsut, dronernik taaguutillit nutaarsiarineqarlutik alutorsaatigineqarlualernikuupput aamma akikillupput. Inuit ataasiakkaat suliffeqarfeeraatillillu Mittarfeqarfinnut saaffiginnitalernikuupput dronernik atuisutut maleruagassanut tunngassutilinnik paasiniaallutik. Ajoraluartumilli paasitittarpagut inatsiseqartoq dronerit atorneqarnissaat inerteqqutaasoq mittarfinniik heliportiniillu 5 kilometerip iluani, taamaattumillu soorlu Nuummi atorneqaqqusaanatik, Mittarfeqarfiit nalunaarput.
Nunat assigiinngitsut taama maleruaqqusaqarput.
Inatsisit maleruaqqusat dronerit oqimaassusaat naapertorlugit assigiinngissuteqarsinnaapput, ataatsimulli isigalugit dronernik atueqqusaanermi aajuku maleruaqqusat:
- Mittarfinniik km—ngorlugu ungasissusissap minnerpaaffissaa: 5 km.
- Illoqarfimmut m-terinngorlugu ungasissusissap minnerpaaffissa: 200 m.
- Ajutoorfiusimasunut ungasissusissap minnerpaaffissaa: 200 m.
- Aqqusinersuarnut tamanut atuuttunut ungasissusissap minnerpaaffissaa: 150 m.
- Qullasissusissaata portunerpaaffigisinnaasaa: 100 m.
Kalaallit Nunaanni droner-inik atuisoqarsimaneranik tusaamasaqanngilagut silaannakkut angallannermut akornusersuisoqarsimaneranik. Politiinit paasissutissiisoqarpoq taamaattoqariataartoqarsinnaanera eqqumaffigineqartoq droner-t alutorsaatigineqaqimmata.
Angallannermut aqutsisoqarfiup inatsisai pillugit trafikstyrelsen.dk-mi atuarsinnaavutit.