Islandimi TV:
Taamaammat Asiip Islandermiut nuannarai
Isalandimi nutaarsiassaqartitsivik Visir Nuummut tikeraarneranut atatillugu Borgmester Asii Chemnitz Narup qeqertami najugallit sooq taama nuannaritiginerlugit nassuerutigaa
Islandimi Birna Brjánsdóttirimut toqutsisoqarneranut kalaallit marluk pasineqarnerisa kingunerani Islandimi nutaarsiassaqartitsiviit Kalaallut Nunaannut soqutiginninnerat annertusivoq.
Illoqarfiit pingaarnerapaata suleriusissaa soqutigineqarpoq
Maannalu nutaarsiassaqartitsivik Visit Nuummut tikeraarpoq illoqarfik qanimut takorusullugu siunissamullu qanoq pilersaarnersoq tusarfigerusullugu.
Atuaruk: Nunatta oqaluttuarisaanerani inissianut pilersaarut annerpaaq
Minnerunngitsumillu ukiut 13-t qaangiuppata innuttaasut 30.000-t Nuummiunngorsimanissaannut takorluuineq tusagassiortunik soqutiginnilersitsivoq. Tassungalu atatillugu Kommuneqarfik Sermersuumi borgmesteri Asii Chemnitz Narupip qanoq ililluni takorluugaq piviusunngortissaneraa sivittajaamik apersorpaat.
Tunniutiinnanngisaannarpugut
Asii Chemnitz Narup apersorneqarnermini islandermiunut qanoq misiginerlugu oqaatigaa.
Atuaruk: Kalaallit Nunaat Islandimut misiginneqataavoq
- Islandermiut nuannarisorujussuakka. Tunniutiinnanngisaannartuuvusi soorlu uagut aamma taamaattugut, borgmesteri aallakaatitassiami takusinnaasanni oqarpoq.
Aallakaatitassiaq uani takujuk
Politikkerit taama takorluuineranni Islandimit sunnertissimanerarlutik Asii Chemnitz Narupip aamma oqaatigaa.
Atuaruk: Illoqarfiup immikkortua nutaaq sullorsuarmik Nuummut atassuteqassaaq
- Pisussanik utaqqiinnarnata pilersaarusiorpugut. Inuussutissarsiortut maani, Islandimi, Danmarkimi Kalaallit Nunaatalu avataaniittut oqaloqatigaavut. Kinguaariinnut tulliuttunut ajunngitsumik sunniuteqarusuppugut iliuusissamik nammineq suliniuteqarpugut. Issiaannarluta utaqqiinnannginnerput Islandermiunit ilikkarparput, Asii Chemnitz Narup oqarpoq.