70-iliisoq
Sverigep kunngia qamutilittarfigineqaerlunilu erinarsorfigineqarpoq
Arfininngormat nalunaaqutaq 12 nallerluaraa Stockholmip illoqarfiata qeqqani Skeppsholmenimit 21-eriarluni qamutilittartoqarpoq
Annonse
Qamutilittarneq pivoq Sverigep kunngiata Carl Gustaf-ip 70-iliinerani pilluaqqullugu.
Kunngip inuuissiornera ulluni arlalinni nalliussineqarsimavoq, arfininngormallu persuarsiutigineqarnersaalluni.
Inuuissiortoq nalunaaqutaq qulinut slotskirkemi erinarsoqatigiinnit erinarsorfigineqarpoq, takkuttullu kunngi pilluaqqusinnaavaat.
Arfininngormat unnukkut kunngikkut illussaarsuarminni nerersuartitsipput.
Danmarkimit peqataapput dronning Margrethe, kunngissaq Frederik, nulia Mary aamma dronningip qatanngutaa prinsesse Benedikte.