peqqarniisaarneq
Svenskit Nunaanni peqqarniisaarneq: 39-nik ukiulik usbekerermioq pasisaavoq
Stockholmimi saassussinermi angut 39-nik ukiulik Usbekistanimeersoq pasisaasoq Svenskit politiivinit uppernarsarneqarpoq.
Tallimanngormat saassussinermi inuit amerlanerusut peqataasimanissaat ilimagineqartoq Stockholmimi tusagassiortunik katersortitsinermi Svenskit politiivinit oqaatigineqarpoq.
Politiit: Angut taamaaliortoq tigusarineqarpoq
Angut lastbilinik ingerlatsisoq tigusarineqarsimasoq politiinit nalunaarutigineqarpoq.
- Angut taamaaliortoq tigusaraarput, naalagaaffiup politiivini pisortaq Dan Eliasson oqarpoq.
- Tigusarineqartup allaasinnaanera takussutissartaqanngilaq. Misissuinerit takutippaat pasineqartoq taannaasoq, oqarpoq nangillunilu:
- Sulili allat saassussinermut peqataasimanissaat ilimanarsinnaavoq.
Tallimanngormat Stockholmimi saassussisoqarnerani pasisaq pinerluffimminit Arlandap timmisartoqarfianut qimutsuitsunut ilaalluni qimaasimavoq. Taama svenskit tusagassiiviat TT allaaserisaqarpoq, taakkulu svensit tusagassiiviisa ilaannut Aftonbladet-mut unnersuussipput, taakkumi tusarfinnik tutsuiginartunik politiinit oqaloqateqarsimasunik oqaloqateqarsimapput.
Sisamat toqutaasut
Tallimanngormat nalunaaqutaq 14.53 Stockholmip illoqarfiata qeqqata ilaani lastbili inuit tungaannut ingerlavoq. Inuit sisamat toqupput, inuillu 15-it ajoqusersimallutik.