Svendborgimi inissiami arnaq ikinngutiminit qiminneqarsimavoq
Arnaq ikinngutiminik Svendborgimi toqutsisimasutut paarnaarussaaqqavoq. Pissutaasoq suli ilisimaneqanngilaq.
Arnaq 33-nik ukiulik Svendborgimeersoq nammineq najukkamini – arnamit ikinngutiminit qiminneqarsimasoq Fyns Politi sapaatip-akunneri sisamat misissuereerlutik oqarput.
Fyns Politini politikkommissæri, Jack Liedicke, taama ilisimatitsivoq.
- Taanna qiminneqarpoq. Svendborgimit taakku imminnut ilisarisimapput, taanna oqarpoq.
Arnat taakku marluk tamarmik Nunatsinneersuupput.
Politiit toqutsinermut suna pissutaanersoq ilisimanngilaat.
Juunip 22-anni politiit Svendborgimi inissiamut aggersarneqarput, tassani politiit arnaq toqungasoq nassaaraat.
Adressemipput angut aamma arnaq, taakku marluullutik tigusarineqarlutik tunngaviusumik inatsit naapertorlugu killisiorneqarput.
Angut 44-nik ukiulik killisiorneqarnermi kingorna iperagaavoq, arnaq 33-nik ukiulik toqutsisutut unnerluutigineqarpoq, juulillu 21-ata tungaanut tigummigallarneqartussanngorluni.
Tigummigallarneqarnera kingorna aggustip qulinganut sivitsorneqarpoq.