Svend Hardenbergip mailernera
Svend Hardenberg apersorneqarumanngilaq
Nick Nielsenimut naqqeeqqusilluni piumasaqarnini pillugu atorfilittani qaffasinnerpaaq Sermitsiaq.AG-mit apersorneqarumanngilaq
Naamik qujaannarpunga.
Naalakkersuisut siulittaasuata Naalakkersuisoqarfiani pisortaq Svend Hardenberg taamatut akissuteqarpoq. Taamaasilluni Sermitsiaq.AG-mit apersorneqarumanngilaq. Folketingimut ilaasortaasimasumut Nick Nielsenimut Siumumeersumut kukkusoqarneranik naqqiinissaanik piumasaqaateqarsimaneranut pillugu mailimik nassiussinera Sermitsiaq.AG-mit paaserusunneqaraluarpoq.
Pituffimmi kiffartuussinissamut isumaqatigiissutip annaaneqarnerata Folketingimi oqallisigineqarnerani mailimik nassiussaqarpoq januaarip 21-ani. Nick Nielsen Siumup siulittaasuanit Folketingimi ilaasortaajunnaarsinneqarpoq sivitsunngitsoq qaangiuttoq. Kukkusoqarneranik naqqiinnginnera ilaatigut pissutaalluni ilaasortaajunnaarsinneqarluni.
Kim Kielsenip Svend Hardenbergimut piumasaqareernerata kingorna maili nassiuneqarsimasoq Kim Kielsen nassuiaateqartareerpoq. Oqaaseqarnerali Inuit Ataqatigiinnit naammagineqanngilaq. Naalakkersuisuni siulittaasup Kim Kielsenip 'ataqqinasutsini atorlugu suut tamaasa saqqummiuttariaqarai iliuusinilu toqqortorniarsarinagit' IA-mit oqarput.
Uku apeqqutigineqartut akerusunngilai, paragraf 37 naapertorlugu IA-mit Aqqaluaq B. Egedep apeqqutaasa akineqarneri innersuuppai. Apeqqutigineqartulli Sermitsiaq.AG-mit apeqqutigineqartut assigiinngillat:
Svend Hardenberg, Naalakkersuisut siulittaasuat sinnerlugu maili Nick Nielsenimut nassiunneqarsimanera sooruna mailimi allaqqanngitsoq?
Nammineq mailinnit sooruna allappit?
Nick Nielsenimut naqqeeqqussissutinik allanik nalunaaruteqareerpit?
Naalakkersuisut siulittaasuat sinnerlugit allassimannginnerit uggoraajuk?
Inuit Ataqatigiinnit annertuumik pisoq isornartorsiorneqartoq pillugu arlaannik uggorisaqarpit?
Naalakkersuisut siulittaasuata Naalakkersuisoqarfiani pisortap Svend Hardenbergip sooq nammineq mailiminit kukkusoqarneranik naqqiisoqarnissaanik piumasaqaatini mailiminit nassiussimaneraa nassuiaateqartinniarlugu Sermitsiaq.AG nassuiaateqartitsiniaraluarpoq. Tamanna Naalakkersuisut siulittaasuata Naalakkersuisoqarfiani pisortap immaqa nassuiaateqarfigisimasinnaagaluarpaa. Immaqa.
AG-mi allaaserineqartut 'IA-p atorfilittat politikerimut peqqusinerat tupigusuutigaa' aamma 'Nick Nielsen: Naalakkersuisut siulittaasuat Kim Kielsen kisermaassiniarpoq' aviisimi atuarneqarsinnaavoq. Aviisi uani pisiarineqarsinnaavoq: